هي فوضى أه يا عم فيه حاجة ~ صوتي

هي فوضى اه يا عم في حاجه

السؤال ده بيطرحه و بيجمعه الكتير من المصريين الأيام ديه علشاان خاطر الناس المعتصمين اللى زي الفل أطهار أبرار تقولش ملايكه يا عم مش شايف الجنحات. واحد شايفه من هناك بيقولك يا قاسي و يا وحش أنت مش شايف الجيش الكخه و الشرطه الياي بتعمل ايه، اقوله يا عم الحليوه هي مش بردوو سلمية و لاايه يعني. هتقولي بيدافعوا عن نفسهم اقولك يا عم بس اقعدلي كده و طرطء ودانك معايا. أنت مش عايز تقول الجيش كخه سيبه يضربك يا عم و بين للمصريين انهم الوحشين و غير كده هو بردوو الجيش اللى بيحرق مجلس الشعب. مش مصلحته يا حلو يا بتاع السياسية منك له. نيجي بقا لحكاية الرصاص و البتنجان و الحورات اللذيذه بتاع الثورجيه الأممير هو مش بردوو واحد طلع من 6 ابليس قالك أن الرصاص فشنك يا جميل و خلي بالك و الحمد لله فيه واحد شااهد من إئتلافاتكم الكتيره الحلوة اللى ملت البلد بيقول أنه فيه حد جنبه واقف و الاتنين مديين وشهم لمجلس الوزراء و اتضرب بالنار من ضهره هو بردو الجيش كان بيضرب. و يا حلو يا امور أعرف المشكلة الأول و بعد كده تقولي كتائب مش عارف مين و الجيش الوحش هو فيه جيش كده. لا طبعا مفيش جيش بالعظة ديه مفيش جيش بيحب شعبه زيه زي جيشنا العظيم و اي حد يقول غير كده يبقا هو اللى مش وطني لأن الجيش ده هو اللى بيحمي مصر من أي عدوان خارجي. و مش عارف سلطة ايه اللى الجيش عايزها هو بردوو محتاج سلطه اديني عقلك؟ و بسم الله ماشاء الله ال الالترس هما اللى يقولوا البلد تمشي ازاااي لا بجد أنا كا مصري مبسوط. و يا سلام لو ولحد بلطجي منهم يتصاب يبقا شهيد غصب عن أي .......(شتيمه) واحد قالها من الثوار الأطهار لا واحد حليوه اسمه أحمد دومة اللى الصراحة مؤدب جدا لما واحد انتقده لأنه اقتبس جزء من أيه و حرف فيها لما واحد قاله كده غلط قاله شتيمه قذره زيه زي بقيت الشباب الأطهار الأبرار. و هو اللى معاه حق يشتم ولا إيه. لا و الصراحة أحسن موقف عجبني و بين اد ايه قناة الحقيرة التي تذيع من دولة مش عارف اسمها ايه كده ممممممم خطر فطر اهي دولة كده عربية النملة أكبر منها، لا و أميرها راجل انقلب على أبوه و مراته بنانه الفله شمعه منوره اللى صراحة بينفذوا الأوامر صح و بضمير . المهم نرجع لما بدأ الأطهار الأبرار بيرموا مولوتوف على المباني قطعوا الإرسال!!!!!! مش عارف ليه بس شكرا أنكم بينتم نفسكم ، لا بس أحسن تعليق سمعته عليها واحد عضو في الجمعية الوطنية للتغيير ال بيقولك ال الجيش عنده أجندات أجنبية طب تقولوا ليه ايه يا جماعة مش عارف بس كلنا لازن ندعي بالشفاء العاجل القريب. لا بجد يا جماعة أنا أطمنت على مصر بشبابها اللى في مجلس الوزراء اللى بيأكدوا كل يوم أن مستقبل زي الفل. أنا عندي كلام كتير اوووي بس مش قاادر اعبر ليكم عن مهزلة اللى بتحصل و التغيب اللى بقا نااس كتير فيه. حفظ الله مصر و شعبها رغم أنف الحاقدين.

صور و تصريحات للشباب اللى زي الفل :

صرحت الصحفية السيدة / نشوى .... حرم الشيخ المرحوم / عماد عفت - أمين دار الإفتاء.
في خبر مكتوب قرأته مذيعة برنامج (صباحك يامصر) - بأن زوجها رحمة الله عليه كان متوجهاً للمعتصمين لمحاولة إقناعهم بفض الإعتصام وعدم ضرب ورشق الجيش بالحجارة وأثناء... وقوفه مع بعض المعتصمين أمام مجلس الوزراء والتحدث معهم أخرج أحد المندسين بين المعتصمين مسدس وأطلق عليه النار في صدره.
رحم الله شيخنا وإنا لله وإنا إليه راجعون.
-------------------------------------------------------------------------------------------------
المصدر / برنامج صباحك يا مصر - قناة دريم1 - اليوم 17-12-2011 - الساعة 9:30 صباحاً

د/فاضل سليمان يضع صورة على حسابه على تويتر من معاينة النيابة للمرحوم الشيخ عماد عفت توضح أن مكان دخول و خروج الرصاصة يبين أن أطلاق الرصاص كان من الأرض